Jarylys kezinde jaqyn mańdaǵy bes qabatty turǵyn úı zardap shekti, dep habarlaıdy Egemen.kz Shymkent qalalyq Polısııa departamentine silteme jasap.
Zardap shekken dárihana kúzetshisi aýrýhanaǵa jetkizildi.
«Búgin saǵat 12.06-da 102 nómirine Shymkenttegi G. Ilıaev kóshesinde jarylys bolǵany týraly habarlama kelip tústi. Oqıǵa ornyna Shymkent qalasy PD basshylyǵy, jedel-tergeý toby men TJD qyzmetkerleri kelip jetti. Olar jarylys saldarynan 138-shi mekenjaıdaǵy medısınalyq ertindi óndiriletin aýrýhanaaralyq dárihana ǵımaratynyń kúl-talqany shyqqanyn anyqtady. Jarylystan keıin paıda bolǵan órtti TJD qyzmetkerleri tolyǵymen oqshaýlady», delingen Shymkent qalasy PD baspasóz qyzmeti taratqan habarlamada.
Aldyn ala málimetter boıynsha, jarylysqa aýada gazdyń kóptep jınalýy sebep bolýy múmkin.
Oqıǵa ornynda kúzetshi qaza tapty. Basqa zardap shekkender joq.