Qyrǵyzstannyń Kadamjaı aýdanynda, qyrǵyz-ózbek shekarasyndaǵy «Chechme» ótkizý beketinde ekskavator tıelgen tral 11 kólikti soǵyp, adamdardy qaǵyp ketti, saldarynan segiz adam kóz jumdy, jeti adam zardap shekti, dep habaraıdy Egemen.kz.
Úreıli apat senbi kúni tústen keıin bolǵan. Júk kóliginiń tejegishteri isten shyqqany habarlanyp otyr. Júk kóligi saǵatyna 70-80 shaqyrym jyldamdyqpen júrdi. Júrgizýshi Qyrǵyzstannan О́zbekstanǵa bet alǵan edi.
Qaza bolǵandardyń arasynda Qyrǵyzstan TJM-niń eki qyzmetkeri bar. Oqıǵa ornynda Qyrǵyzstan men О́zbekstan TJM qyzmetkerleri jumys istep jatyr. Quqyq qorǵaý organdary tıisti tekserý amaldaryn júrgizýde.
Aıana Toǵanbek