Arys aýdanynyń polısııa qyzmetkerleri dalaly jerde ósetin, emdik qasıeti joǵary dárilik keýrek (ferýla) shóbiniń sólin qazyp, zańsyz áreket etken 23 ózbekstandyq azamatty anyqtady, dep habarlaıdy Egemen.kz.
Túrkistan oblystyq polısııa departamentiniń málimetinshe, olar dalaly alqapqa shatyr tigip, keýrek qazyp júrgen.
«23 azamat ÁQBtK-niń 517-babynyń 5-bóligimen (Sheteldiktiń nemese azamattyǵy joq adamnyń halyqtyń kóshi-qon salasyndaǵy zańnamasyn buzýy) boıynsha jaýapqa tartylyp, el aýmaǵynan alastatyldy. Al jumys berýshi Qazaqstan azamatyna 519-bap (Sheteldik jumys kúshin jáne eńbekshi kóship kelýshilerdi el zańnamasyn buza otyryp tartý) boıynsha hattama toltyrylyp, aıyppul salyndy», dep habarlady vedomstvodan.