Bul týraly Egemen.kz Bilim mınıstri Ashat Aımaǵambetovtiń áleýmettik jelidegi jazbasyna silteme jasap habarlaıdy.
El quramasy taekvondo, júzý, jeńil atletıka, dzıýdo, erkin kúres, semserlesý, kórkem gımnastıka, sporttyq gımnastıka, sadaq atý, boks, grek-rım kúresi, áıelder kúresi jáne regbı sııaqty sport túrlerinen júldeli oryndarǵa ıe boldy.
«Oqýshylarymyz Dúnıejúzilik gımnazıadada 85 medal jeńip aldy. Onyń ishinde 32 altyn, 32 kúmis jáne 21 qola. Elimizdiń quramasy 3-orynǵa turaqtap, úzdik úshtikke endi. Týrnır kestesinde altyn jáne kúmis medaldar sany boıynsha Qazaqstan 3-orynda, al qola medal sany boıynsha 5-orynda», dep jazdy Ashat Aımaǵambetov.
Aıta ketsek, Qazaqstandyq oqýshylar Dúnıejúzilik gımnazıadaǵa alǵash ret qatysyp otyr.
Saltanat Kenjebaı