Memleket basshysynyń ókimimen Erlan Erǵalıuly Aldajumanov Qazaqstan Respýblıkasy Ulttyq qaýipsizdik komıteti tóraǵasynyń orynbasary – Shekara qyzmetiniń dırektory laýazymyna taǵaıyndaldy, dep habarlaıdy Egemen.kz Aqordanyń resmı saıtyna silteme jasap.
Erlan Aldajumanov 1966 jyly Shyǵys Qazaqstan oblysynyń Semeı qalasynda týǵan.
F.E. Dzerjınskıı atyndaǵy Joǵary shekara komandalyq ýchılıshesin bitirgen (1987). Shekara zastavasy bastyǵynyń orynbasary, óńirlik basqarma bastyǵynyń orynbasary, óńirlik basqarma shekaralyq bólimsheleri qolbasshysynyń orynbasary, Qazaqstan Respýblıkasy Ulttyq qaýipsizdik komıteti Shekara qyzmetiniń bas shtaby bastyǵy - dırektordyń birinshi orynbasary laýazymdarynda ofıserlik qyzmet atqarǵan.
Orden jáne medaldarmen marapattalǵan. Qazaqstan Respýblıkasy Ulttyq qaýipsizdik komıteti joǵarǵy qolbasshylyǵynyń ókili, general-maıor.
Aıana Toǵanbek