Pavlodar oblysynyń ortalyǵyndaǵy M.M.Kataev atyndaǵy oqýshylar saraıynyń alańynda «Balalyq shaqtyń aspany» atty balalar festıvali ótti. Sán-saltanaty kelisken is-shara baldyrǵandarǵa Balalar jylynyń shattyǵyn sezindirdi.
Oblystyq bilim basqarmasy tárbıe jumysy jáne qosymsha bilim berý bóliminiń basshysy Bekbatyr Aıtmahannyń aıtýynsha, festıvaldiń maqsaty – balalardyń shyǵarmashylyq, zııatkerlik qabiletterin damytý jáne qoldaý, bos ýaqytty tıimdi ótkizýge baýlý. Balalar jylyn merekeleý aıasynda bir aı ishinde ártúrli is-sharalar ótkiziledi dep josparlanýda.
Amanat partııasy oblystyq fılıalynyń atqarýshy hatshysy Ilıa Terenchenko Balalar jyly tartymdy ótýi úshin eresekter bar kúsh-jigerin salýy kerek ekenin aıtty.
– Barlyq uıymdastyrýshylarǵa, muǵalimderge, oqytýshylarǵa, ata-analarǵa alǵys aıtamyn. Olar festıvaldi qyzyqty ótkizýge belsendi atsalysty. Bizdiń óńirde balalardy áleýmettik qoldaýdyń eń iri paketi bar. Bul rette qamqorlyq is-sharalary úzdiksiz jalǵasatyn bolady, – dedi I.Terenchenko.
Festıvalde qala mektepteriniń oqýshylary úshin oıyn-saýyq baǵdarlamasy, túrli oıyndar men sheberlik synyptary uıymdastyryldy.
Pavlodar oblysy