Sáýirdiń 16-sy kúni Qazaqstan Syrtqy ister mınıstriniń birinshi orynbasary - EKSPO-2017 komıssary Rápil Joshybaev Irannyń Tejarat Almas holdınginiń basshylyǵymen kezdesti. Bul týraly «EKSPO-2017» UK» AQ baspasóz qyzmeti habarlady.
Kezdesý barysynda ırandyq delegasııaǵa EKSPO-2017 jobasy tanystyryldy. Sonymen qatar taraptar týrızm jáne qurylys salasyna ınvestısııa tartý máselelerin talqylady.
Rápil Joshybaev EKSPO jobasyna sheteldik kapıtaldy qatystyrýdy yntalandyrýǵa baılanysty qazaqstandyq jaqtyń jasap jatqan sharalary men Qazaqstannyń týrıstik qabileti jaıynda egjeı-tegjeıli áńgimelep berdi.
Tejarat Almas holdıngi 150-ge jýyq kompanııany biriktiretin kóp salaly mekeme bolyp tabylady. Ol turǵyn úı, ofıstik ǵımarattar salý, IT tehnologııalar jáne týrıstik bıznes salalarynda jumys isteıdi. Jyldyq qarjy aınalymy - 3,5 mlrd. AQSh dollarynan astam.
Kezdesý qorytyndysy boıynsha taraptar EKSPO nysandaryna ınvestısııa salý máselesin tereńirek zertteýge ýaǵdalasty.
Murat Aıtqoja.
Derekkóz: «EKSPO-2017» UK» AQ baspasóz qyzmeti.
Foto: «EKSPO-2017» UK» AQ baspasóz qyzmeti.