Bıyl elimizdegi salalyq baǵdarlamalar sany 44-ten 14-ke deıin kemitilmek. Atalǵan másele Parlament Senatyndaǵy Úkimet saǵatynda talqylandy. Bul týraly «QazAqparat» habarlady.
Ekonomıka jáne bıýdjettik josparlaý mınıstri Erbolat Dosaevtyń aıtýynsha, 2013 jyly mınıstrlik tarapynan qoldanystaǵy memlekettik jáne salalyq baǵdarlamalar jappaı tekserilgen. Qazir tıisti oryndar tekserý qorytyndylaryn iske asyrýda.
Naqtylaı aıtqanda, aımaqtardy órkendetýdi maqsat etken sharalardyń tıimdiligin kúsheıtý úshin 5 salalyq baǵdarlama О́ńirlerdi damytýdyń biryńǵaı baǵdarlamasyna engizilmek. Al ındýstrııalyq-ınnovasııalyq saıasatty odan ary alyp barý úshin 14 salalyq baǵdarlama Údemeli ındýstrııalyq-ınnovasııalyq damýdyń memlekettik baǵdarlamasyna kiredi. Buǵan qosa, shaǵyn vedomstvolyq sıpattaǵy baǵdarlamalar memlekettik organdardyń strategııalyq josparlaryna enedi. Osynyń nátıjesinde bıyl salalyq baǵdarlamalar sany 14-ke kemimek.
Joldybaı Bazar.
Derekkóz: «QazAqparat».
Foto: youtube.com.