Qyzylorda oblysyndaǵy «Bota» qaıyrymdylyq qorynan eki jyl boıyna 27 mln. teńgege jýyq qarjynyń qoldy bolǵany anyqtaldy. Bul týraly Qyzylorda oblystyq prokýratýrasynyń baspasóz qyzmeti habarlady.
Qoǵamdyq qordyń aqshalaı qarajatyn tekserý jumystary qoǵamdyq uıym basshylyǵynyń Qyzylorda qalalyq ishki ister basqarmasyna jasaǵan shaǵymy boıynsha júrgizildi. Osynyń nátıjesinde polıseıler «Kelisilgen aqshalaı járdemaqylar baǵdarlamasy» keńsesiniń qyzmetkerleriniń ústinen qylmystyq is qozǵady.
Tergeý-tekserý barysynda belgili bolǵandaı, kúdiktiler 2012-2013 jyldary oblys azamattaryna aqshalaı járdem berý úshin jasalǵan bank kartochkalary arqyly áreket etken. Osynyń saldarynan atalmysh qor 26 mln. 760 myń teńge kóleminde zııan shekken. Al turǵyndar kúdiktilerge qujattaryn óz erikterimen bergen. Biraq qujattarynyń qor qyzmetkerlerine ne úshin kerek bolǵanyna nazar aýdarmaǵan.
Joldybaı Bazar.
Derekkóz: Qyzylorda oblystyq prokýratýrasynyń baspasóz qyzmeti.
Foto: Kapital.kz.