Jas talantty samǵatqan «Aq qaýyrsyn»

Baıqaý osy joly ultusta­zy Ahmet Baıtursyn­uly­nyń 150 jyldyq mereıtoıy jáne Al­maty oblysynyń 90 jyl­dyǵyna oraı jarııalan-dy. Al baıqaýdyń maq­saty ult ustazy Ahmet Baıtur­syn­ulynyń eńbekteri men shyǵarmashylyǵyn, Almaty oblysynyń 90 jyldyǵyn keńinen nasıhattaý, ulttyq qundylyqtardy dáripteıtin qazirgi ádebıetti damytý jáne oǵan qoldaý kórsetý edi. Baı­qaý qatysýshy aqyndarǵa Ahmet Baıtursynulynyń 150 jyldyq mereıtoıyna oraı «El búginshil, meniki erteń úshin» taqyrybyna óleń arnaý usynylsa, proza báıgesi Almaty oblysynyń 90 jyl­dyǵyna arnaldy. Báıgege 18-35 jas aralyǵyndaǵy qalam­gerler, aqyndar, jýrnalıs­ter, aýdandyq, qalalyq irik­teý kezeńinen ótken baıqaý­dyń jeńimpazdary óz shyǵar­malaryn joldaǵan eken.

– Almaty oblysynda aqyn-jazýshylarǵa, jas qa­­­­lam­gerlerge degen qam­qor­­­lyq erekshe. Sonyń biri osy – «Aq qaýyrsyn» ádebı syılyǵy. Baıqaý bıyl be­sinshi márte qalam ustaǵan jastardyń shabytyn ashyp, ári qaraı shyǵarmashylyǵyn shyńdaýyna oń serpin berip otyr. Jalpy, bul baıqaý Jetisý ólkesindegi ádebıetshi qaýymnyń asyǵa kútetin mereıli saltanatyna, rýhanı-ádebı tanymdyq sharasynyń kósh basynda tur, – deıdi ob­lystyq Tilderdi damytý bas­qarmasynyń basshysy Rah­met Esdáýletov.

Osylaısha, qazylar alqa­synyń sheshimimen poezııa janry boıynsha 1-oryndy «Jetisý» radıosynyń redaktory Arshyn Aıdynbekuly ıelendi. 2-oryn «Jetisý» ga­zetiniń tilshisi Máýlen Áner­­baıǵa buıyrdy. Sar­qan­dyq jas aqyn Samal Sheń­gel­baeva júldeli 3-oryn­nan kó­rindi. Sondaı-aq Ala­kól aýda­nyndaǵy mektep muǵa­limi Maq­sat Deńgelbaı men I.Jan­súgirov atyndaǵy Jetisý ýnı­­versıtetiniń 2-kýrs bi­limgeri Ádil Quttybaev yn­ta­landyrý syılyǵyna ıe boldy. Al proza janry bo­ıyn­sha 1-oryndy jas jazýshy Gúlden Jylkeldıeva qan­jyǵasyna baılasa, ekinshi júldeni taldyqorǵandyq Aı­­gerim Iebekova enshiledi. Jáne talapker qalamger Ol­jas Naýryzbaevqa úshinshi oryn buıyrdy.

Almaty oblysy