Pavlodar qalasynda 9 jastaǵy balany kólik qaǵyp ketti. Polısııa jol apatynyń mán-jaıyn anyqtap jatyr, dep habarlaıdy Egemen.kz.
25 mamyrda saǵat 9:53-te polısııaǵa Tolstoı kóshesinde rettelmeıtin jaıaý júrginshiler ótkelinde toǵyz jastaǵy balany kólik qaǵyp ketkeni týraly habarlama tústi. Júrgizýshi 36 jastaǵy qala turǵyny bolyp shyqty.
- Jaraqat alǵan bala oblystyq balalar aýrýhanasyna jetkizildi. Atalǵan fakti boıynsha tekserý júrgizilip jatyr, - dep habarlady patrýldik polısııa batalonyndaǵylar.
Oblystyq densaýlyq saqtaý basqarmasynyń málimetinshe, 2012 jyly týǵan balaǵa sol jaq bilek býynynyń jaraqaty dıagnozy qoıylǵan. Ol ambýlatorııalyq em alýǵa jiberildi.