Saıası memlekettik qyzmetshiler Memleket basshysy Nursultan Nazarbaevtyń aldynda ant berdi, dep habarlady Prezıdenttiń baspasóz qyzmeti.
Qazaqstan halqy men Prezıdentine Joǵary Sot Keńesiniń tóraǵasy B.Beknazarov, Respýblıkalyq bıýdjettiń atqarylýyn baqylaý jónindegi esep komıtetiniń tóraǵasy Q.Jańbyrshın, Prezıdent Kúzeti qyzmetiniń bastyǵy Á.Sadyqulov, birqatar Úkimet músheleri men oblys ákimderi saltanatty túrde ant berdi.
Memleket basshysy berilgen anttyń ár sózi zor jaýapkershilik júkteıtinin atap ótti.
– «Qazaqstan-2050» Strategııasy jáne álemdegi damyǵan 30 eldiń qataryna qosylý jónindegi maqsatymyz aıasynda memleket aldyna bıik mindetter qoıyp otyr. Sondyqtan sizderdiń árqaısyńyz óz salalaryńyz boıynsha júktelgen mindetterdi eń joǵary deńgeıde oryndaýǵa tıissizder. Sizderdiń paryzdaryńyz el ekonomıkasyn jaqsartý, árbir óńir turǵyndarynyń ál-aýqatyn arttyrý, halyqtyń birligin saqtaý bolmaq. Eger árkim óz jumysyn oıdaǵydaı atqaratyn bolsa, biz alǵa qoıǵan barlyq maqsattarǵa qol jetkize alamyz, – dedi Nursultan Nazarbaev.
-----------------------------------------
Sýretti túsirgender
S.BONDARENKO, B.OTARBAEV.