Alańda – Assambleıa jastary

Dóńgelek ústel jumysyna «Assambleıa jastary» RQB, Nur-Sul­tan qalasyndaǵy Amanat par­­tııasy Almaty aýdan­dyq fı­lıa­lynyń ókilderi, L.N.Gýmı­lev atyndaǵy EUÝ stý­dent­­teri jáne Jastar qanatta­ry­nyń múshe­leri qatysty.

Is-sharany alǵysózimen ash­qan «Assambleıa jastary» RQB Nur-Sultan qalasyndaǵy ókil­di­giniń basshysy Anastasııa Tı­moshenko refe­rendýmnyń mańyz­dylyǵyna toq­tala kele, halyq daýsynyń she­shý­shi ról atqa­ra­tynyn, sol se­bep­ti de oǵan ár azamattyń atsalysýy kerektigin atap ótti.

«Memleket basshysy el Kons­tı­týsııasyna ózgerister engizý máselesi boıynsha re­fe­­rendým ótkizýdi usyndy. Bizdiń ortaq mıs­sııamyz – qo­ǵamy­myzdyń da­na­lyǵy men kemel­digin taǵy da dáleldep, Otanymyzdyń bola­sha­ǵy­na, onyń damýy men gúldený jolyna úlken áser etetin referendým ótkizýge yqpal etý», dep atap ótti ol.

­«Assambleıa jastary» res­pýb­lıkalyq qoǵamdyq birles­ti­­giniń tóraǵasy Tımýr Jumyr­baev Jańa Qazaqstannyń tu­jy­rym­da­masynyń mańyz­dy­lyǵyn túsin­di­re kelip, Qa­zaqstan halqy Assam­bleıa­sy bul ıdeıany júzege asyrý tetikteri týraly qoǵamdyq pikir­ta­las­tar úshin qolaıly alań bola alatynyn atap ótti.

Otyrys barysynda Amanat par­tııasynyń Almaty aýdandyq fılıalynyń atqarýshy hatshysy Igor Nessen, kúsh nómirleri boıynsha álemniń tórt dúrkin rekordshysy, Gınnestiń rekordtar kitabynyń rekordshysy, qa­zaq halqynyń kúshtik dástúr­le­rin jalǵastyrýshy Sergeı Syrýlnıkov, L.N.Gýmılev atyn­­da­ǵy EUÝ Jýrna­lıs­tıka jáne saıasattaný fakýl­te­ti­niń stý­denti Saıan Suńǵatov, «Obereg» ýkraındar qoǵamynyń jas­tar qanaty tóraǵasynyń oryn­basary Iýlııa Lagýtkına, «Vozrojdenıe» ne­mis­ter qoǵa­my­nyń «Dıamant» nemis jas­ta­ry klýbynyń tóra­ǵasy Anas­­tasııa Kıreeva, «Aq­bo­zat» bash­qurt etnomádenı bir­les­­­ti­giniń jastar qanatynyń tóraǵasy Angelına Medvedeva, Polacy QB jas­tar qanatynyń tóraǵasy Vıktorııa Mılenko jáne «Assambleıa jastary» elor­da­lyq mú­she­le­ri ózara pikir alma­syp, re­fe­­rendým aıasynda ótki­zilip jat­qan jastarmen túsin­dirý jumystarynyń negizgi basym­dyqtaryna toqtaldy. Jıyn­da referendýmnyń mán-maz­mu­nyn keńinen sóz etken spıker­ler ýa­qyt talabyna sáıkes kons­tı­týsııalyq reformalardyń ma­ńyz­­­yn da atap ótti.