Aqtóbeniń 48 jastaǵy turǵyny saıajaıda qarasora ósirip, ony óńdeıtin zerthana ashqan, dep habarlaıdy Egemen.kz.
Polısııa departamenti esirtki qylmysyna qarsy is-qımyl basqarmasynyń jyldam qımyldaıtyn jasaq qyzmetkerlerimen birlesip, saıajaıdy taýyp, kúdiktini ustady.
Kúdikti saıajaıdan sońǵy úlgidegi tehnıkalyq quraldarmen jabdyqtalǵan zerthana ashqan. Tuqym men tehnıkany ınternet dúkenderden satyp alǵan. Saıajaı ıesi qarasorany jeke paıdalaný maqsatynda ósirgenin aıtqan.
Qazir qylmystyq kodekstiń 297 baby 3-bóligi boıynsha is qozǵalyp, tergeý bastalǵan. Tártip saqshylarynyń aıtýynsha, kúdiktini bes jyldan on jylǵa deıin bas bostandyǵynan aıyrý jazasy qaralǵan.