TÚRKIShIL TULǴA

Jyl saıynǵy oqý maýsymy aıaq­talarda L.N.Gýmılev atyn­daǵy Eýrazııa ulttyq ýnıver­sı­tetinde “Kúltegin kúnderi” ót­ki­zi­ledi. Bul mádenı is-shara ýaqyt ótken sa­ıyn qoǵamdyq sıpat alyp keledi de­sek qateles­peımiz. Onyń naqty dálelin atal­mysh oqý ornyndaǵy aptalyqqa stý­dent­ter men oqytý­shylardan bas­qa qoǵam qaıratke­rleri, hal­qy­myzdyń qalaýly, elge eńbekteri sińgen azamattardyń qa­tysqan­darynan anyq baıqaımyz. Burnaǵy kúni ýnıversıtettegi “Kúltegin kúnderiniń” aıasynda fılologııa fakýltetinde ataqty túrkitanýshy ǵalym, Eýrazııa ıdeıasynyń bastaýynda turǵan iri tulǵa Lev Gýmılevke arnalǵan shyǵarmashylyq kesh ótkizildi. Jıynnyń alǵashqy sózin ýnı­versıtettiń ǵylymı jumys­tar jónindegi prorektory Besin­baı Rahmetqazy: “Tól tarıhy­myz­dyń tamyry tereńde eken­digin Kúlte­gin eskertkishi dálel­dedi. Ulttyq rýhanı qundylyq­tar júıesin ult­tyq ıdeologııa­myzdyń tuǵyry­na aınaldyrý isteri biz úshin asa mańyzdy. Biz­diń ýnıversıtetimiz ult tarı­hy­nyń irgetasy bolyp sanalatyn kóne túrki muralaryn zerttep, ony halyq ıgiline jara­tý­daǵy ǵy­lymı ortalyqqa aına­lýy tıis. L.N.Gýmılev Eýrazııa keńistigindegi halyqtardyń tarı­hyn, mádenı qundylyǵyn álemge tanytýda eleý­li eńbek sińirgen tulǵa”, – dep bastady. Kesh barysynda sondaı-aq osy joǵary oqý ornyndaǵy ka­fedra meńgerýshisi Ǵadilbek Sha­lah­metovtiń L.N.Gýmılev týraly jaz­ǵan “Jıvıa v chýjıh slovah” atty kitabynyń tanystyry­ly­my boldy. Kitaptyń tusaýkeser rási­minde avtor óziniń ataqty ǵalym­men birge qyzmet istegen kezeń­deri­nen kóptegen estelikter kel­tire kele óz sózinde: “Kúlte­gin es­kert­kishiniń ustyn tasynda bizdiń qazirgi qoǵamymyzǵa kerek, bolashaqqa úlken baǵdar silteıtin tyń ıdeıalar jazylǵan. Bul biz úshin tek qana tarıhı eskertkish emes, keshegimiz ben búgingimizdi bir-birimen sabaqtas­tyratyn, sonymen qatar erteńi­mizge de telegeı-teńiz tálim be­re­tin rýhanı qundylyq. Al L.N.Gýmılev týra­ly aıtar bolsam, ol kisiniń bizdiń túrki jurt­shylyǵyna, ásirese qazaq halqy­nyń rýhanı órke­nıettiligine qosqan úlesin esh­qashan da umytpaýymyz kerek. Bul azamattyq ta, adamdyq ta bory­shymyz”, – dedi. Keshte ǵulama ǵalymnyń ki­tap kórmesi de uıymdas­tyry­lyp, so­ńynda onyń ómiri men shy­ǵarma­shylyǵynan tura­tyn teatrlan­dyrylǵan kórinister qoıyldy. Araı ÚIRENIShBEKQYZY.