Keshe Qazaq Ulttyq óner ýnıversıtetinde «Es-Aımaq» mádenı-tanymdyq pikirtalas birlestiginiń uıymdastyrýymen «Egemen Qazaqstan» respýblıkalyq gazeti» aksıonerlik qoǵamynyń prezıdenti Saýytbek Abdrahmanovpen shyǵarmashylyq kezdesý ótkizildi.
Kezdesýdi ýnıversıtettiń aǵa oqytýshysy Jańagúl Sultanova júrgizdi. Belgili qalamgerdiń ómirge, qoǵamǵa, ónerge kózqarasy, túrli oqıǵalar men tájirıbelerden túıgen pikirleri kezdesýdiń arqaýyna aınaldy. Jastar Saýytbek Abdrahmanovqa kókeıdegi suraqtaryn qoıyp, tıisti jaýaptar aldy. Pýblısıst shyǵarmashylyǵy týraly ýnıversıtettiń ónertaný kafedrasynyń professorlary, kórnekti jazýshy-dramatýrg Ákim Tarazı, tanymal teatr synshysy Áshirbek Syǵaı, teatr, kıno jáne teledıdar fakýltetiniń dekany Sáýlebek Asylhan óz oılaryn ortaǵa saldy. Ýnıversıtet prorektory, belgili kompozıtor Serik Erkimbekov oqý ornynyń qonaǵyna iltıpat bildirip, shyǵarmashylyq tabys tiledi. Basqosýda stýdentter qaýymy tarapynan án aıtylyp, kúı tartylyp, qalamgerge qurmet kórsetildi.
«Egemen-aqparat».