Aýyl sharýashylyǵy mınıstrligi kúnbaǵys maıy men kúnbaǵys tuqymdaryn elden áketýge arnalǵan kvotalardyń qoldanylý merzimi uzartylatyn buıryq jobasyn daıyndady, dep habarlaıdy Egemen.kz.
«Qazaqstan Respýblıkasynyń aýmaǵynan jekelegen taýarlardy áketýdiń keıbir máseleleri týraly» AShM-niń 2021 jylǵy 13 jeltoqsandaǵy buıryǵy 2022 jylǵy 1 shildege deıin qoldanysta boldy.
Endi osy ónimdi áketýge shekteýlerdi 2022 jylǵy 30 qyrkúıekke deıin uzartý josparlanyp otyr.
Ýákiletti organ 2022 jylǵy 8 shildeden keshiktirmeı óziniń ınternet-resýrsynda 2022 jylǵy shilde-qyrkúıek aralyǵynda el aýmaǵynan kúnbaǵys tuqymdaryn áketýge kvota alýǵa ótinimder qabyldaý týraly habarlandyrý ornalastyrady.
Habarlandyrýda: taýardyń ataýy, bólinetin kvotanyń aı saıynǵy kólemi, bir ótinim berýshi úshin ótinim berýge ruqsat etiletin aı saıynǵy lımıt, Respýblıkanyń ishki naryǵyna kúnbaǵys maıyn kepildi jetkizýdiń kólemi, kvota alý úshin qajetti qujattardyń tizbesi, ótinimderdi qabyldaýdyń bastalý jáne aıaqtalý kúni men ýaqyty, ýákiletti organnyń zańdy mekenjaıy, ýákiletti organ keńsesiniń elektrondyq mekenjaıy kórsetiledi.
Kúnbaǵys tuqymyna kvota mólsheri 140 000 tonnany quraıdy, 1 shildege deıin ol 125 000 tonnany qurady. Kúnbaǵys maıy men onyń fraksııalaryna arnalǵan kvota 114 000 tonna bolady.
Qujat 10 maýsymǵa deıin jarııa talqylaý úshin Ashyq NQA saıtynda ornalastyrylǵan.