Petropavl qalasynyń 17 jastaǵy turǵyny kóp qabatty úıdiń 12 qabatynan qulap, qaıtys boldy, dep habarlaıdy Egemen.kz.
Soltústik Qazaqstan oblysy Polısııa departamenti baspasóz qyzmetiniń málimetinshe, qaıǵyly oqıǵa búgin saǵat tańǵy 5:00 shamasynda bolǵan.
Polısııaǵa oblys ortalyǵyndaǵy Jambyl kóshesi boıyndaǵy úıdiń 12 qabatynan boıjetken qyzdyń qulaǵany týraly habarlama kelip tústi. 17 jasar qyz oqıǵa ornynda kóz jumdy.
«Petropavlda 17 jastaǵy qala turǵynynyń sýısıd jasaý faktisi boıynsha sotqa deıingi tergeý bastaldy. Qazir atalǵan fakti boıynsha QR QK 105-baby «О́zin ózi óltirýge deıin jetkizý» boıynsha sotqa deıingi tergep-tekserýlerdiń biryńǵaı tizilimine engizildi. Saraptamalar taǵaıyndaldy, bolǵan oqıǵanyń mán-jaıy sotqa deıingi tergeý aıasynda anyqtalady», delingen vedomstvonyń baspasóz qyzmeti taratqan habarlamada.