QR Parlament Senatynyń tóraǵasy Máýlen Áshimbaev QR Prezıdent teleradıo keshenine bergen suhbatynda 5 maýsymda ótetin referendýmǵa shyǵarylǵan Konstıtýsııalyq Sot týraly normalardyń mańyzyna toqtaldy, dep habarlaıdy Egemen.kz.
«Konstıtýsııalyq reformanyń aıasynda memleket pen qoǵamnyń arasyndaǵy qarym-qatynastyń jańa kezeńi ashylyp jatyr dep aıtsaq artyq bolmaıdy. Mysaly, naqty normalardy aıtaıyq. Búginde azamattar memlekettik organdardyń buıryqtaryna nemese zań normalaryna, memlekettiń naqty bir sheshimderine narazy bolsa, ol normalar múddemizge qaıshy keledi degen pikir týyndap jatsa, jalpy ótinishter sııaqty sotqa berý kerek. Iаǵnı, prosedýrasy uzaq. Qazir osy reformalardyń aıasynda Konstıtýsııalyq Sot qurylyp jatyr», dedi Senat tóraǵasy.
Sondaı-aq ol jalpy usynylyp otyrǵan konstıtýsııalyq reforma halyq pen bılik arasyndaǵy qarym-qatynastyń jańa formatyna jol ashatynyn aıtty.
«Konstıtýsııalyq Sottyń negizgi fýnksııasy azamattardyń bılik ókilderiniń sheshimderine narazylyǵyna sot retinde baǵasyn berý, sheshim qabyldaý. Osyndaı basqa da kóptegen normalar bar», dedi Máýlen Áshimbaev.