Qazaqstanǵa BUU-nyń Beıbitshilikti qoldaý operasııalary departamentiniń sarapshylary konsýltatıvtik saparmen keldi.
Sarapshylardyń Bitimgershilik daıyndyq ortalyǵyna (KAZCENT) barýdaǵy basty maqsaty – onyń qyzmetimen tanysý jáne qazaqstandyq bitimgershilik kontıngenttiń daıyndyq áleýetiniń júıesi sheńberinde BUU-nyń beıbitshilikti qoldaý jónindegi operasııalaryna qatysýǵa daıyndyǵyn aıqyndaý.
Sarapshylar bitimgerlerdiń oqý prosesiniń negizgi baǵyttaryn, onyń ishinde aǵylshyn tilin oqytý men halyqaralyq gýmanıtarlyq quqyq normalaryn zerdeledi. Almaty oblysynyń Tilendıev aýylyndaǵy Bitimgerlerdi daıyndaý oqý-jattyǵý ortalyǵynda praktıkalyq is-qımyldar kórsetildi.
Birikken bólimsheniń baqylaý-ótkizý jáne qadaǵalaý pýnktterinde qyzmet atqarý, gýmanıtarlyq júkti alyp júrý, mańyzdy obektilerdi kúzetý, jergilikti halyqty qorǵaý jónindegi is-sharalar keshenin ótkizý jáne sol aımaqty patrýldeý tapsyrmalaryn pysyqtady.
Sarapshylar ushqyshsyz basqary- latyn apparattar bólimsheleriniń is-qımylyn, olardyń tehnıkalyq múmkindikterin, olardy baqylaý jáne aqparat jınaý qabiletin baǵalady. Injenerlik-saperlik bólimshelerdiń mamandary qoldan jasalǵan jarylǵysh zattardy tabý jáne olardy joıý is-qımyldaryn oryndady.
Qorǵanys mınıstrliginiń áskerı medısına ortalyǵynda bolǵan BUU-nyń ókilderi QR QK áskerı qyzmetshileriniń áskerı-medısınalyq daıyndyq deńgeıin kórdi.
Sapardyń qorytyndylary boıynsha BUU-nyń bitimgershilik áleýetiniń ázirlik júıesiniń ilgerileý múmkindigine, qarý-jaraqpen, áskerı jáne arnaıy tehnıkamen, medısınalyq, tyldyq jáne basqa da múlikpen jaraqtandyrylýyna, sondaı-aq Qazaqstannyń bitimgershilik kontıngentiniń daıyndyq deńgeıine aldyn ala baǵa beriletin bolady.