Fınlıandııanyń astanasy – Helsınkı men Tampere qalasynda uıymdastyrylǵan shaıbaly hokkeıden elıtaly dıvızıonnyń álem chempıonaty máresine jetti. Fınalda jarys qojaıyndary Kanadadan basym tústi – 4:3.
Tamperede ótken Fınlıandııa men Kanada hokkeıshileri arasyndaǵy fınaldyq kezeńniń negizgi ýaqyty 3:3 esebimen teń aıaqtaldy. Overtaımda myqtylyq tanytqan Sýomı eliniń ókilderi óz jerlerinde ótken álem chempıonatynda bas júldeni jeńip aldy. Match barysynda muzaıdyn ıelerinen Mıkael Granlýnd (45 jáne 46-mınýt), Ioel Armııa (55) jáne Sakarı Mannınen (67) mergendigimen kózge tússe, Kanada sapynan Dılan Kozens (25), Zak Ýaıtklaýd (58) jáne Maksım Komtýa (59) shaıba soqty. Osylaısha, Fınlıandııa quramasy óz tarıhynda tórtinshi márte álem chempıony atansa, Kanada 16 márte fınalda jeńildi.
Al úshinshi oryn úshin ótken saıysta Chehııa hokkeıshileri AQSh quramasyn 8:4 esebimen jeńdi.