Balqash garnızonynda ofıser jaralandy, jaǵdaıy aýyr. Bul týraly Qorǵanys mınıstrligi málimdedi, dep habarlaıdy Egemen.kz.
«30 mamyrda Balqash garnızonynda qarýmen jumys isteý kezinde qaýipsizdik sharalaryn buzý saldarynan ofıser jaralandy. Zardap shegýshige qajetti medısınalyq kómek kórsetilip jatyr. Dárigerler áskerıdiń jaǵdaıyn aýyr dep baǵalap otyr», delingen habarlamada.
Bul derek boıynsha sotaldy tergeý jumystary bastaldy. Oqıǵa sebepteri men mán-jaıyn anyqtaý úshin qorǵanys mınıstriniń nusqaýymen garnızonǵa arnaıy komıssııa jiberildi.
«Qylmystyq is júrgizý kodeksiniń 201-babyna sáıkes, ózge de málimetter tergeý múddesi úshin jarııa etilýge jatpaıdy», dep tolyqtyrdy vedomstvodan.