Meksıkanyń Tynyq muhıty jaǵalaýyna qaraı bet alǵan «Agata» daýyly Saffır-Sımpson shkalasy boıynsha ekinshi sanatqa jetti, dep habarlaıdy Egemen.kz
Meksıkanyń ońtústigine uıytqyp soqqan daýyldyń ekpini saǵatyna 160 shaqyrymnan asady. Osynyń áserinen birqatar shtatta dúleı jelmen kelgen jaýynnan keı eldi mekendi sý basyp jatyr. Ázirge japa shekkender týraly aqparat joq. Elde 200-den asa arnaıy panalaý orny ashylǵan.
Meteorologtar daýyl úshinshi kategorııaǵa deıin kúsheıýi múmkin dep otyr. Sıklonnyń jaqyndaýyna baılanysty Meksıkanyń alty aımaǵynyń 967 mýnısıpalıtetinde dabyldy eskertý jarııalanyp, Oahakadaǵy mektepter ýaqytsha jabyldy. Boljam boıynsha jaǵalaýdaǵy keıbir aýdandarda 150 mm-ge deıin jaýyn-shashyn kútiledi. Onyń saldary sý tasqynyna, kóshkinge jáne selge ákelýi múmkin. Bılik aımaq turǵyndaryn qajetti saqtyq sharalaryn qabyldaýǵa jáne azamattyq qorǵanys kúshteriniń eskertýlerin oryndaýǵa shaqyrdy.
AQSh-tyń Daýyldardy baqylaý jónindegi ulttyq ortalyǵy bul Meksıkanyń Tynyq muhıty jaǵalaýyna 1949 jyldan beri soǵyp turǵan alapat daýyl dep baǵa berip otyr.
Saltanat Kenjebaı