Bókeıhanuly oqýlary

Ádette, ult pen rýhanııat tarıhy tóńireginde áńgime órbıtin mundaı keleli jıyndardy óner­kásip oryndarynyń uıym­das­tyrýy sırek kezdesedi. Zaýyt janynan jumys istep jatqan korporatıvtik ýnıversıtettiń atalǵan jıyndy Alash kó­se­mine arnap otyrǵany da kez­deısoq emes. Basqosý barysynda Álıhan Bókeıhanulynyń qa­zaq jastaryn tehnıka tilin meńgerýge úndegen sózderi qazirgi tańdaǵy otan­dyq avto­óner­kásiptiń aldynda turǵan min­dettermen sabaq­tastyryla saralandy. Qaı­ratkerdiń «Qazaq dalasyz, soqa men mashınasyz qazaq bola al­maıdy. Biz bi­ri­gip, óndiristi birge ashýy­myz ke­rek. Ol úshin bizge zamanaýı jab­dyq­tardy paı­da­laný qajet»,  dep qyrda qam­syz jatqan qa­zaqty birlik pen tirlikke, tehnı­kaǵa úırenip, ón­di­risti ıgerý­ge sha­qyrǵan zaman aýanyn ań­da­ǵysh suńǵyla danalyǵy týra­synda aıtyldy. Jıynǵa qaty­sýshylar, sonymen qatar Jańa Qazaqstan ıdeıa­syn júzege asy­rýdaǵy Álıhan Bókeıhanuly mura­synyń máni men mańyzy talqylandy.

Is-shara aıasynda «Saryarqa­AvtoProm» avto­mo­bıl zaýy­ty­nyń óndiris­tik alańyna eks­­kýrsııa uıym­das­tyrylyp, ın­­­­jenerlik-teh­nıkalyq qyzmet­ker­­lermen jáne zaýytta jumys is­teıtin jastarmen kezdesý ót­ti.

Uıymdastyrýshylardyń aıtýynsha, «Bókeıhanuly oqý­laryna» kelip túsken ǵylymı maqalalar negizinde «Álıhan Bó­keıhanuly: ónerkásipti damy­tý – táýelsiz ekonomıkanyń negizi» atty jınaq jaryq kóretin bolady.

QOSTANAI