Qytaıdyń Hýnan provınsııasyndaǵy meıramhanada jarylys bolyp, bir adam qaza tapty, dep habarlaıdy Egemen.kz.
Jergilikti bıliktiń habarlaýynsha, shamamen tańǵy saǵat jetide Qytaıdyń ortalyq bóligindegi Hýnan provınsııasynyń Chansha qalasyndaǵy meıramhanada jarylys bolyp, bir adam qaza tapty. Taǵy 13 adam ártúrli dárejede jaraqat alǵan.
Oqıǵa ornyna órt sóndirýshiler, dárigerler men tártip saqshylary jedel jetken. Zardap shekkenderdiń barlyǵy medısınalyq kómek alý úshin aýrýhanaǵa jetkizildi.
Anyqtalǵandaı, aldymen meıramhanada órt shyǵyp, keıin jarylys bolǵan. Oqıǵanyń sebebi áli anyqtalǵan joq, tergeý júrip jatyr.
Saltanat Kenjebaı