Avtokólik eksporttaýǵa múmkindik bar

Zaýyt byltyr jańa úlgidegi Kia Sportage avtokóligin shyǵaratyn usaq torapty qurastyrý jelisin iske qos­qan. Jańa úlgidegi koreı kros­so­veriniń shanaǵy da osy jelide dá­nekerlenedi. Shanaqty boıaý jumys­ta­ry da osynda atqarylady.

Ký Hong Sok myrzanyń aıtýyn­sha, aldaǵy ýaqytta Qostanaıda qu­ra­­s­tyrylyp jatqan Kia avto­kó­lik­te­riniń jergilikti úlesin arttyrý ar­qyly Qazaqstan men Koreıanyń kólik ónerkásibi salasyndaǵy ynty­maq­tastyǵyn nyǵaıta túsý kózdelip otyr.

«Qostanaı zaýytyndaǵy jańa úlgi­degi usaq torapty óndiris Qazaq­stan­­nyń avtoónerkásibin damytýdyń jańa vek­tory bola alady jáne jer­gi­­­likti avto­za­ýytty il­ge­riletetin tıim­­di­ tá­jirı­be bolyp ta­bylady», de­di elshi.­

«SaryarqaAvtoProm» 12 jylda 200 myńǵa jýyq kólik qurastyrdy. Búginde qostanaılyq temir tulpar­lar­dyń birazy ishki naryqtaǵy sura­nys­ty ótep jatsa, birazy syrtqy saý­daǵa shyǵarylady.

Elshi Ký Hong Sok odan keıin aımaq basshysy Arhımed Muhambetovpen kezdesti. Jyly júzdesý barysynda oblys óndiretin aýylsharýashylyq taýarlaryn eksporttaý máselesi sóz boldy. Oblys ákiminiń aıtýyna qa­ra­ǵanda, 2021 jyly Qostanaı oblysy men Ońtústik Koreıa Respýb­lı­kasynyń arasyndaǵy taýar aınalymy shamamen 73 mln dollardy qurady. Qostanaı avtoóndiriske qajetti bólshekterdi, elektr akkýmýlıatorlaryn, metız ónimderi men elektr jabdyqtaryn Koreı elinen satyp alady. Endigi maqsat – eksport máselesin sheshý.

– Biz ekijaqty saýda kólemin ulǵaıtýdy, sonyń ishinde Ońtústik Koreıaǵa ónim eksporttaý máselesin qarastyratyn bolamyz. Buǵan ob­lys­tyń áleýeti men óndiristik qýaty­nyń múmkindigi tolyq jetedi. Oǵan qosa ınvestısııalyq preferen­sııa­lar men jeńildikter arqyly qar­jylandyrylatyn memlekettik baǵ­­darlamalar bar. Bizge kelip ón­di­ris bastaǵysy keletin koreı ın­ves­torlarynyń da usynystaryn qaraý­ǵa ázirmiz, – dedi A.Muhambetov.

QOSTANAI