Jaqynda Syrtqy ister mınıstriniń birinshi orynbasary – EKSPO-2017 Komıssary Rápil Joshybaev ırandyq «Tejarat Almas» holdıngi basshylyǵymen kezdesti.
Kezdesý barysynda ırandyq delegasııaǵa EKSPO-2017 jobasy tanystyryldy. Sonymen qatar, taraptar týrızm jáne qurylys salasyna ınvestısııa tartý máselelerin talqylady. Rápil Joshybaev EKSPO jobasyna sheteldik kapıtaldy qatystyrýdy yntalandyrýǵa baılanysty qazaqstandyq jaqtyń jasap jatqan sharalary men Qazaqstannyń týrıstik qyzmet salasyndaǵy qabileti jaıynda egjeı-tegjeıli áńgimelep berdi.
«Tejarat Almas» holdıngi 150-ge jýyq kompanııany biriktiretin kópsalaly mekeme bolyp tabylady. Ol turǵyn úı, ofıstik ǵımarattar salý, IT tehnologııalar jáne týrıstik bıznes salalarynda jumys isteıdi. Jyldyq qarjy aınalymy 3,5 mlrd. AQSh dollarynan astam.
Kezdesý qorytyndysy boıynsha taraptar EKSPO nysandaryna ınvestısııa salý máselesin tereńirek zertteýge ýaǵdalasty.
«Egemen-aqparat».