Ár azamattyń qasıetti boryshy

Partııa otyrysyn ashqan fı­lıal tóraǵasy, ekonomı­ka ǵy­­lymdarynyń doktory Sábıt Esmura­tov aldaǵy saıası naýqannyń azamattyq qo­ǵam qalyptastyrýdaǵy orny erekshe eke­nin atap ótip, 5 maýsym­da saılaý ýchaskesine baryp, tikeleı daýys berý el taǵdyryna beı­jaı qaramaıtyn árbir tur­ǵyn­nyń azamattyq boryshy ekenin basa aıtty.

– Búginde partııa músheleri aýyl-aýyldy aralap, aýyl­shar­ýashylyq qurylymdary ujym­da­rymen kezdesip, referendým tóńireginde sóılesip, pikir alysyp, qarapaıym turǵyndardyń túsinbegen dúnıelerin birlesip talqylap, túsindirý jumystaryn atqaryp jatyr. 5 maýsym – el­di­gimiz ben birligimiz synalatyn asa jaýapty, mańyzdy kún. Osyny durys túsingen aýyl jurt­­­shylyǵy referendýmǵa bir kisi­deı qatysyp, daýys berýge daıyn otyr, – dedi partııa fı­lıa­lynyń tóraǵasy.

M.Dýlatov atyndaǵy Qosta­naı ınjenerlik-ekono­mı­ka­lyq ýnıversıtetiniń profes­sory Raısa Prıtýla bul jolǵy referendýmdy «jappaı re­for­ma­lar­dyń bastaýy» dep ba­ǵalap, aldaǵy saıası naýqannyń nátı­jesinde memlekettik júıe­degi demokratııalyq ınstı­týt­tar­dyń belsendiligi arta túse­tinin alǵa tartty.

Oblystyq qoǵamdyq keńestiń múshesi Denıs Kacheevtiń piki­rin­she, aldaǵy jeksenbi búkil el bolyp Jańa Respýblıkanyń irge­tasyn qalaıtyn kún.

– Qazaqstan Konstıtýsııasy ulttyq saıası-quqyqtyq júıeniń ózegi, eldiń memlekettiligi men egemendiginiń quqyqtyq negizi, Adam bostandyǵy men memleket múddesiniń kepili. Referendým – halyq bıliginiń aıqyn úlgisi, árbir qarapaıym turǵynnyń óz azamattyq ustanymyn bildirý arqyly Jańa Qazaqstandy qu­rý­ǵa tikeleı úles qosýynyń jar­qyn kórinisi. Memleket basshysy Qasym-Jomart Toqaevtyń Jańa Qazaqstandy, Ekinshi respýblıka qurý ıdeıasynyń referendým ótki­zýden bastaý alýy el da­mýyn­­da erekshe oryn alatyn ta­rı­­hı oqıǵa, – dedi D.Kacheev.

Jıyn sońynda «Aýyl» ha­lyq­tyq demokratııalyq pat­rıot­tyq partııasynyń ókil­deri bir­qa­tar kásipkerler men us­tazdar qoıǵan saýaldarǵa jaýap berdi.

Qostanaı oblysy