Rıdderdiń 28 jastaǵy turǵyny úıinde esirtki saqtady degen kúdikpen ustaldy. Tekserý barysynda úıindegi as úıden belgili bir ıisi bar aq untaq zat salynǵan oramdar tabyldy, dep habarlaıdy Egemen.kz.
Sondaı-aq polıseıler qońyr-jasyl tústi ósimdik tektes zat salynǵan qorap, elektrondy tarazy, plastıkalyq qoraptar men qara elektrlik taspamen oralǵan qońyr tústi untaqty zat salynǵan polımerli paketti tapty.
Tabylǵan zattarǵa saraptama júrgizilip, karton qoraptaǵy zat salmaǵy 3,05 gramm «keptirilgen marıhýana», al plastıkalyq qoraptaǵy zat - salmaǵy 6,10 gramm «kannabıs shaıyry» ekeni anyqtaldy.
«Ustalǵan azamatqa qatysty QR QK-niń 296-babynyń 4-bóligi «Esirtki, psıhotroptyq zattarmen, sol tektestermen ótkizý maqsatynsyz zańsyz jumys isteý» boıynsha qylmystyq is qozǵaldy. Baptyń sanksııasy úsh jyldan jeti jylǵa deıingi merzimge bas bostandyǵynan aıyrý túrindegi jazany kózdeıdi», delingen Shyǵys Qazaqstan oblysynyń polısııa departamenti taratqan habarlamada.