2014 jylǵy 17 sáýir Astana, Úkimet Úıi
Qazaqstan Respýblıkasynyń aýmaǵynan qara metaldardyń qaldyqtary men synyqtaryn áketýge ýaqytsha tyıym salý týraly
2008 jylǵy 25 qańtardaǵy Úshinshi elderge qatysty tarıftik emes retteýdiń biryńǵaı sharalary týraly kelisimniń 9-babyna jáne 2009 jylǵy 9 maýsymdaǵy Úshinshi elderge qatysty biryńǵaı kedendik aýmaqta taýarlarmen jasalatyn syrtqy saýdany qozǵaıtyn sharalardy engizý jáne qoldaný tártibi týraly kelisimniń 8-babyna sáıkes, qara metaldardyń qaldyqtary men synyqtarynyń ishki naryǵyndaǵy shekten tys jetispeýshilikti boldyrmaý maqsatynda Qazaqstan Respýblıkasynyń Úkimeti qaýly etedi:
1. 2014 jylǵy 21 sáýir – 30 maýsym kezeńinde legırlengen bolattyń qaldyqtary men synyqtaryn, onyń ishinde totyǵýǵa tózimdi bolatyn (QO SEQ TN kodtary 7204 21 100 0, 7204 21 900 0) jáne basqasyn (QO SEQ TN kody 7204 29 000) qospaǵanda, qara metaldardyń qaldyqtary men synyqtaryn (KO SEQ TN kody 7204) áketýge tyıym salynsyn.
2. Qazaqstan Respýblıkasy Qarjy mınıstrliginiń Kedendik baqylaý komıteti zańnamada belgilengen tártippen osy qaýlynyń 1-tarmaǵynyń oryndalýyn qamtamasyz etsin.
3. «Qazaqstan temir joly» ulttyq kompanııasy» aksıonerlik qoǵamy (kelisim boıynsha) zańnamada belgilengen tártippen osy qaýlynyń 1-tarmaǵyn iske asyrý jóninde sharalar qabyldasyn.
4. Qazaqstan Respýblıkasy Ekonomıka jáne bıýdjettik josparlaý mınıstrligi belgilengen tártippen:
1) osy qaýlynyń 1-tarmaǵynda kórsetilgen tyıym salýdyń engizilgeni týraly Eýrazııalyq ekonomıkalyq komıssııasyn habardar etsin.
2) Eýrazııalyq ekonomıkalyq komıssııasynyń qaraýyna Keden odaǵyna qatysýshy basqa memleketterdiń osy qaýlynyń 1-tarmaǵynda kórsetilgen sharalardy qoldanýy týraly usynystardy engizsin.
5. Qazaqstan Respýblıkasy Syrtqy ister mınıstrligi osy qaýly qoldanysqa engizilgen kúnnen bastap kúntizbelik on tórt kúnniń ishinde Qazaqstan Respýblıkasynyń Úkimeti qabyldaıtyn syrtqy saýda qyzmetin retteý jónindegi sharalar týraly Eýrazııalyq ekonomıkalyq qoǵamdastyqtyń Integrasııalyq komıtetiniń Hatshylyǵyn habardar etsin.
6. Osy qaýly 2014 jylǵy 21 sáýirden bastap qoldanysqa engiziledi jáne resmı jarııalanýǵa tıis.
Qazaqstan Respýblıkasynyń Premer-Mınıstri K.MÁSIMOV.