El erteńin aıqyndaıdy

Is-sharany Referendýmdy qoǵamdyq qoldaý respýb­lı­kalyq shtabynyń qoldaýymen «Qazaq­standyq qoǵamdyq damý ınstıtýty» KeAQ uıymdas­tyr­­­ǵanyn atap ótken jón. Atal­­ǵ­an mekemeniń basqarma tóraǵasy Qazbek Maıgeldınov elimiz jańa tarıhı kezeńge qa­dam basqanyn aıta kele, jurt­­shylyqty mańyzdy oqıǵa­dan qalys qalmaýǵa shaqyrdy.

– Prezıdent atap ótkendeı, konstıtýsııalyq reformalar barlyǵyna teń múmkindikter men teń jaǵdaılardy qamtama­syz etýge baǵyttalǵan. Elimiz­diń Ne­gizgi Zańyna Memlekettik bas­qarý modelin ózgertetin jáne azamattardyń saıası prosesterge yqpal etý múm­­kindikterin kúsheıtetin eleý­­li ózgerister engizilýde. Mem­leket basshysy óziniń Jol­­daýynda Prezıdenttiń ókilet­tiligin shekteý jáne ákim­der men máslıhattarǵa jer­gi­likti jerlerde sheshim qa­byldaý kezinde derbestik berý ar­qyly «qolmen basqarý» tá­ji­rıbesinen ketý qajettiligin aıtqan bolatyn. Osyǵan baılanysty Prezıdenttiń oblys jáne respýblıkalyq ma­ńyzy bar qala ákimderiniń aktilerin toqtata turý nemese olardyń kúshin joıý jónindegi quqyǵyn, sondaı-aq aýdan jáne aýyl ákimderiniń laýazymynan bosatý quqyǵyn alyp tastaýǵa baılanysty ózgerister josparlanyp otyr. Prezıdenttiń mundaı óki­let­til­ikteri joıylady. Bul reforma jergilikti atqarýshy or­gandardyń nyǵaıýyna, saıası jań­ǵyrýyna yqpal etýge tıis, – dedi Q.Maıgeldınov.

Jıynǵa qatysqan oblys ákiminiń orynbasary Aızada Qurmanova pavlodarlyqtar belsendilerdiń qatarynan tabylatynyna senim bildirdi. Bul rette oblystyń túkpir-túkpirinde turǵyndardy aqpa­rat­tandyrý jumystary júıeli júrgizilgen.

– El Prezıdenti Qasym-Jomart Toqaev respýblıkalyq referendýmǵa baılanysty joldaǵan óziniń beıneúndeýinde Konstıtýsııalyq reformanyń maq­saty men mańyzyn naqty túsindirdi. Ol búkil ha­lyq­tyń sheshimi boıynsha aýqymdy saıa­sı ózgerister júr­­gizý qa­jet­­ti­gin atap ótti. Bári­miz bir­ge bizdiń jarqyn bola­sha­ǵy­­myzdyń kepili bolyp taby­latyn konstıtýsııalyq refor­many júzege asyrýǵa úles qosaıyq, – dedi A.Qurmanova.

Referendýmdy qoǵamdyq qoldaý respýblıkalyq shta­bynyń oblystyq ókildi­giniń tóraǵasy Serik Sádýaqasov halyq arasynda keń aýqymdy aqparattyq-túsindi­rý ju­mys­­taryn júrgizý maqsa­tyn­­da óńir­lik qoǵamdyq shtabyn quryl­ǵa­nyn, bul rette tur­ǵyn­darǵa Konstıtýsııaǵa engi­ziletin to­lyqtyrýlarǵa túsinikteme beril­genin jetkizdi.

Pavlodar oblysy