Senattyń Konstıtýsııalyq zańnama, sot júıesi jáne quqyq qorǵaý organdary komıtetiniń múshesi Rysqalı Ábdikerov Qaraǵandy qalasynyń stýdentterimen kezdesip, 5 maýsymda ótetin referendým máselelerin talqylady.
Senator Qaraǵandydaǵy Bóketov atyndaǵy ýnıversıtettiń jáne joǵary medısınalyq ıntern kolledj stýdentterimen kezdesý barysynda elimizdi odan ári damytý úshin konstıtýsııalyq reformalardyń mańyzdylyǵyn atap ótti. Ol sondaı-aq Memleket basshysy usynǵan túzetýler týraly aıtyp, olardyń barlyq qazaqstandyq úshin erekshe mańyzyna toqtaldy.
«Konstıtýsııanyń 33 babyna 56 túzetý engiziletin bolady. Bul – Negizgi Zańnyń úshten biri. О́zgerister birinshi kezekte elimizdiń azamattarynyń quqyqtaryn qamtamasyz etýge jáne qorǵaýǵa baǵyttalǵan. Bul túzetýler qazaqstandyqtardyń quqyqtaryn tıimdi qorǵaýǵa múmkindik beredi. О́z kezeginde, azamattardyń quqyqtaryn qorǵaý – konstıtýsııalyq reformanyń mańyzdy basymdyǵy jáne mindeti», dedi senator Rysqalı Ábdikerov.