Qytaıdyń ońtústik-batysyndaǵy Sıchan ǵarysh aılaǵynan birden 9 jer serigi sátti ushyryldy, dep habarlaıdy Egemen.kz.
Qytaı ulttyq ǵarysh basqarmasynyń habarlaýynsha, qurylǵylar smart jeli tehnologııasy salasyndaǵy qyzmetterdi kórsetýde, sondaı-aq, teńizdi qorǵaý jónindegi jobalardy iske asyrý úshin qoldanylady.
Sońǵy jyldary Qytaı óziniń ulttyq ǵarysh baǵdarlamasyn belsendi túrde damytyp keledi. El ǵalymdary meteorologııalyq, telekommýnıkasııalyq jáne navıgasııalyq spýtnıkterdi, sondaı-aq aıdy zertteýge arnalǵan tehnologııalardy ázirleýde. Sonymen qatar asteroıdtar men Marsty zertteý jobasy júzege asyrylyp jatyr. Orbıtada Qytaı ǵarysh stansııasynyń qurylysy júrgizilýde, ol josparǵa sáıkes bıyl jumysyn bastaıdy.
Saltanat Kenjebaı