Bokstan WBO serııasy boıynsha álem chempıony Pıter Kýıllın WBA serııasynyń jeńimpazy Gennadıı Golovkınmen judyryqtasýǵa daıyn. Kýıllınniń promoýteri Rıchard Shefer osylaı dedi. Bul týraly Sports.kz portaly habarlady.
Jasy 30-ǵa tolǵan, orta salmaqtaǵy Pıter Kýıllın 20 sáýirde chehııalyq boksshy Lýkash Konechnydy jeńip, chempıondyq ataǵyn qorǵap qaldy. Tóreshilerdiń barlyǵy biraýyzdan Pıterdiń basym túskenine shek keltirmedi. Kýıllın-Konechny jekpe-jeginen keıin amerıkalyq promoýter Rıchard Shefer óziniń 31-jeńisine qol jetkizgen Pıterdiń WBA serııasy boıynsha álem chempıony Gennadıı Golovkınmen aıqasýǵa daıyn ekenin jetkizdi.
Rıchard Shefer: «Eger usynys tússe, biz aıqasýǵa daıynbyz», – dedi.
Esterińizge sala keteıik, qazirgi ýaqytta Gennadıı Golovkın men meksıkalyq eks-chempıon, kishi Hýlıo Sezar Chaves arasyndaǵy jekpe-jekti uıymdastyrý maqsatynda kelisim jumystary júrgizilýde. Bul kelisim-sharttyń qandaı nátıje beretini ázirge belgisiz. Golovkın men kishi Chaves arasyndaǵy jekpe-jek bolmaýy da múmkin. О́ıtkeni, kishi Hýlıo Sezar Chaves Top Rank-tan shyǵyp ketýi yqtımal degen sóz bar.
Joldybaı Bazar.
Derekkóz: Sports.kz.
Foto: Sport.nur.kz.