KО́KShETAÝ. 21 sáýir. Aqmola oblysynda 3 mashına soqtyǵysyp, 2 adam ómirden ozsa, 3 jolaýshy aýyr jaraqat alyp, aýrýhanaǵa jetkizildi. Bul týraly «IA Novostı-Kazahstan» habarlady.
Aqmola oblystyq ishki ister departamenti baspasóz qyzmetiniń habarlaǵanyndaı, jol-kólik oqıǵasy «Kókshetaý-Atbasar» baǵytyndaǵy kúre jolda oryn alǵan.
«Toıota-Kamrı» kóliginiń júrgizýshisi – 25 jastaǵy jigit belgilengen jolaqty kesip ótip, qarsy baǵytqa shyǵyp ketken. Sonyń saldarynan, qarsy betten kele jatqan «Nıssanǵa» soǵylady. Al taǵy bir mashına – ««VAZ-2104» toqtap úlgermegendikten, aldyndaǵy «Nıssan» kóligine urylady. Osylaısha, oqıǵaǵa 3 kólik qatysty bolǵan.
Atalmysh jol-kólik oqıǵasynan «Toıota-Kamrı» júrgizýshisi men «Nıssandaǵy» bir jolaýshy mert bolady. Al «Nıssandy» júrgizgen 28 jastaǵy áıel men bir jasar qyz jáne bes jasar ul bala Aqmola oblystyq aýrýhananyń jan saqtaý bólimine jetkizilgen.
Joldybaı Bazar.
Derek kóz: «IA Novostı-Kazahstan».
Foto: Newskaz.ru.