SOFIIа. 21 sáýir. Bolgarııanyń astanasy – Sofııa qalasynda ótip jatqan jastar arasyndaǵy álem chempıonatynda Qazaqstan quramasynyń 5 jigiti shırek fınalda óner kórsetedi. Bul týraly egemen.kz habarlady.
20 sáýirde atalǵan chempıonattyń 1/8 fınalynyń kezdesýleri ótti. Bul synda bizdiń segiz boksshymyz rıngke kóterilip, olardyń beseýi qarsylastarynan basym tústi.
1/8 fınalynda jeńil salmaqtaǵy sportshylarymyz senimdi aqtasa, aýyr salmaqtaǵylar jarysty erte aıaqtaýǵa májbúr boldy. Jeńilis tapqan úsh boksshynyń ekeýi horvatııalyq bylǵary qolǵap sheberlerine jol berdi.
Altyn medal enshileıdi dep erekshe úmit artylǵan jasóspirimder arasyndaǵy álem chempıony, 69 kılo salmaqtaǵy Rahat Marjyqpaev qolaǵa da qol soza almady. Al jastar arasyndaǵy Azııa chempıony Temirlan Qabıev (91 kg.) horvatııalyq Tonı Felıpıden (1:2) jeńilip qaldy. Sol sııaqty asa aýyr salmaqtaǵy Eldos Qadyrbaev tehnıkalyq nokaýtpen jeńildi.
Qazaqstan boksshylarynyń nátıjeleri:
1/8 fınaly
49 kılo: Shalqar Aıqynbaı – Djonatan Lopes (Pýerto-Rıko) - 3:0
56 kılo: Sultan Zaýyrbek – Aıtal Dıakonov (Reseı) – 3:0
60 kılo: Abylaıhan Júsipov – Dorın Býksha (Moldova) – 2:1
69 kılo: Rahat Marjyqpaev – Prtenjak Lýka (Horvatııa) – 1:2
75 kılo: Bekjan Bákirov – Shamıl Alıev (Ázerbaıjan) – 2:1
81 kılo: Vadım Kazakov – Ibragım Gýlıev (Ázirbaıjan) – TKO R3
91 kılo: Temirlan Qabıev – Tonı Felıpı – 1:2
+91 keli: Eldos Qadyrbaev – Daramnı Rok (AQSh) – TKO R27
Búgin shırek fınaldyq aıqastar ótedi.
Joldybaı Bazar.
Derekkóz: egemen.kz .
Foto: álem chempıonatynyń emblemasy.