<a href="http://polldaddy.com/poll/7983664/">Blogtýr týraly estidińiz be?</a>Ońtústik Qazaqstan oblysy ákimdiginiń qoldaýymen, oblystyq jastar saıasaty basqarmasy men "Ońtústiktiń kreatıv jastary" qoǵamdyq birlestiginiń uıymdastyrýymen bir top blogshylar Shymkent qalasynda bolyp qaıtty. Shara barysynda Shymkent qalasynyń kórneki jerlerimen qatar, "Bal tekstıl", "Oxy textille" óndiris oryndarynda, jańadan boı kótergen "Otyrar" kitaphanasynda, "Báıdibek baba" eskertkishi, "Táýelsizdik alańy", "Ordabasy alańy" sekildi qala kórkine kórik qosyp otyrǵan oryndarmen tanysty.
Oblys ákiminiń baspasóz hatshysy Berik Ýálı joǵaryda atalǵan óndiris oryndary sekildi kásiporyndardyń áserinen jalpy óńirlik ónim 4 jylda 2 esege kóterilip, 10 orynnan 5 orynǵa, jergilikti bıýdjet kiristeri - 2013 jyly 1,7 paıyzǵa, ınvestısııa - 1,9 esege, aýyl sharýshylyǵy ónimderi - 2,2 esege, ónerkásip óniminiń kólemi 2 esege óskenin, tek bul emes, 3 jylda 71,8 000 adam jumyspen qamtylyp, jastar arasyndaǵy jumyssyzdyq deńgeıi 6,3 paıyzdan 3,5 paıyzǵa tómendegenin habarlady.
19 sáýirde jýrnalıstter men blogshylar jáne jastar uıymdary arasynda shaǵyn fýtboldan týrnır ótti. Oıyn nátıjesinde Otyrar telearnasy - 1, OQO ákimdiginiń baspasóz qyzmeti - 2, Ońtústik Qazaqstan oblysynyń jastar basqarmasy 3 oryn aldy.
Danııar Alan.