Qazaly aýdanynda rámizder kúnine arnalǵan oblystyq marafon uıymdastyryldy. Aımaqtyń túkpir-túkpirinen jınalǵan júzge jýyq jelaıaq Áıteke bı kentiniń ortalyq kóshelerimen kók týdy jelbiretip, Ǵanı Muratbaev aýylyna deıin 11 shaqyrymdy júrip ótti, dep habarlaıdy Egemen.kz «Habar 24» arnasyna silteme jasap.
Máre syzyǵyn kesken marafonshylardy Ǵanı Muratbaevtyń 120-jyldyǵyn atap ótýge jınalǵan jurt kútip aldy. Ortalyq alańda qolóner jáne beıneleý sheberleriniń jármeńkesi uıymdastyryldy. Shyǵys jastaryn birigýge jáne bilimdi bolýǵa shaqyrǵan tulǵanyń eleýli eńbegi keńinen nasıhattalyp, jas sýretshiler baıqaýy ótti.
«Bul sýretti men 4 saǵat saldym. Qıyn boldy biraq jetekshimniń kómegimen ádemilep saldym. Buny gýash jáne akvarelmen saldym. Ǵanı Muratbaev kommýnıst, jastarǵa úlgi bolǵan óte jaqsy adam bolǵan dep oılaımyn», deıdi sýretshi Kamılla Berdenova.