Pavlodar oblysyndaǵy referendým ýchaskeleri óz jumysyn bastady. Tańǵy saǵat 7.00-de óńirdegi 528 referendým ýchaskeleriniń esigi ashyldy. Jańbyr jaýyp, aýa raıynyń yńǵaısyzdyǵyna qaramastan kári-jas demeı, óz tańdaýyn jasaýǵa asyǵýda, dep jazady Egemen.kz.
Belgili bolǵandaı, pavlodarlyq 513 myńǵa jýyq turǵyn Konstıtýsııaǵa ózgerister men tolyqtyrýlar engizý týraly jalpyrespýblıkalyq referendýmǵa qatysa alady.
Densaýlyq jaǵdaıyna baılanysty ýchaskege kele almaıtyn azamattar saǵat 12.00-ge deıin referendým komıssııasyna habarlasyp, daýysty úıden berýge nıetti ekenin bildirýi kerek. Sol ótinish negizinde komıssııa músheleri turǵynnyń úıine barady.
Aýrýhanalarda, ýaqytsha ustaý ızolıatorlarynda 21 ýaqytsha daýys berý orny jumys isteıtinin atap ótken jón. Jalpy, ýchaskelerdiń barlyǵy qajetti quraldarmen jabdyqtalǵan. Árqaısysynda múmkindigi shekteýli jandarǵa da jaǵdaı jasalǵan.
Búgin qoǵamdyq kólikter jolaýshylardy tegin tasymaldaıdy ári ınvataksı qyzmet kórsetedi.