Sheteldegi daýys berý ýchaskeleri jergilikti ýaqytqa saı ashylyp, referendýmǵa qatysýǵa nıetti qazaqstandyqtardy qabyldap jatyr, dep habarlaıdy Egemen.kz QR Syrtqy ister mınıstrligine silteme jasap.
Búgin tańerteń Seýlge ushyp barǵan «Eır Astana» áýe kompanııasynyń qyzmetkerleri qonaq úıde daýys berdi. Olardyń daýys berýin eki adamnan turatyn komıssııa baqylady.
«Bul eldiń avıasııalyq qaýipsizdik talaptaryna baılanysty, 24 saǵat ishinde ushyp kelgen ushqyshtar men ekıpaj múshelerine karantın ornynan ketýge tyıym salynady», dep málimdeıdi QR SIM.
Bishkek, Tashkent, Ashhabad, Dýshanbe, Erevan men Tbılısıde daýys berýge arnalǵan ýchaskeler jumys istep jatyr. Sondaı-aq, Nıý-Delı, Islamabad, Taıaý Shyǵysta Abý-Dabı, Dýbaı, Er-Rııad, Djıdda, Maskat, Doha, Amman, Kaır, Tel-Avıvtegi ýchaskelerdiń esigi daýys berýshiler úshin ashyq. Túrkııanyń Ankara, Ystanbul jáne Antalııa qalalarynda, al Reseıdiń Máskeý, Sankt-Peterbýrg, Qazan, Astrahan men Ombydaǵy daýys berý ýchaskeleri Qazaqstan azamattary úshin jumys istep tur.
«Irandaǵy otandastarymyzdyń ótinishteri negizinde ýchaskelik komıssııa «Zarkýh» qazaqstandyq kompanııasyna tıesili jáne eldiń batys bóliginde ornalasqan altyn ken ornynda daýys berý prosesin júzege asyrdy», deıdi QR SIM.