Almatydaǵy №125 saılaý ýchaskesinde birqatar qoǵam qaıratkeri daýys berip, óz pikirlerimen bólisti, dep habarlaıdy Egemen.kz.
Referendýmǵa qatysý árbir qazaqstandyqtyń azamattyq paryzy dep sanaıtyn jazýshy Smaǵul Elýbaı: «Búgin elimizdiń, araıly Almatymyzdyń aspany shaıdaı ashyq boldy. Kún kúlimdep turdy. Osyǵan qarap Alla taǵalanyń nazary elimizge túsip tur eken-aý dep qýandyq. Osyndaı ásermen ertemen saılaý ýchaskesine baryp, óz daýysymdy berdim», dep atap ótti.
Smaǵul Elýbaıdyń aıtýynsha, búginde elimizde ózgeristi qalamaıtyn adam joq.
«Prezıdent atap ótkendeı, referendým sol ózgeristerdiń bastaýy ǵana. Prezıdenttiń aıtqandaryna senim men úmit arta otyryp, elimizdegi ózgerister úshin daýys berdim. Bala-shaǵasynyń erteńgi jarqyn ómirin armandamaıtyn adam joq. Bolashaq Qazaqstanda, Jańa Qazaqstanda, ádiletti Qazaqstanda azamattardyń eshqaısysy da nazardan tys qalmaıdy degen úmit zor. Memleketimiz baqýatty el bolsyn degen armandar jetelep keldi. Men sol armandarym úshin daýys berdim. Árıne, Konstıtýsııaǵa engiziletin ózgeristerge baılanysty usynystarym da bar. Alaıda Prezıdentimiz ustanǵan baǵyt-baǵdardy qoldaı otyryp, ári zor senimmen osy ózgeristerdiń barlyǵy da el jurtshylyǵynyń jarqyn bolashaǵy úshin júzege asady dep oılaımyn. Osynaý almaǵaıyp zamanda az ǵana halqymyzǵa Allanyń nazary túzý bolǵaı», dedi óz sózinde jazýshy.