Konstıtýsııaǵa engiziletin ózgeristiń biri – adam quqyqtaryn qorǵaý tetikterin nyǵaıtýǵa qatysty. Bul ózgeristi azamattyq qoǵam ókilderi oń baǵalap otyr, dep habarlaıdy Egemen.kz.
«Ata Zańǵa engiziletin ózgeristiń biri tek Konstıtýsııalyq sottyń qurylýyna ǵana baılanysty emes. Sonymen qosa adam quqyqtaryn qorǵaýdaǵy tetikti nyǵaıtý kózdeledi. Aıtalyq, ólim jazasyn alyp tastaý, sol sekildi adam quqyqtary jónindegi ýákildiń mandatyna baılanysty.
Adam quqyqtary jónindegi ýákil týraly ózgeristerge toqtalsaq, eń áýeli ol quqyǵy buzylǵan azamattardyń haqy men bostandyǵyn qalpyna keltirýge yqpal etýi tıis. Mundaı mindetterdi oryndaý kezinde adam quqyqtary jónindegi ýákil memlekettik nemese basqa organdarǵa táýeldi bolmaýy kerek ekeni belgili. Osyǵan baılanysty «Adam quqyqtary jónindegi ýákil týraly» konstıtýsııalyq zań qabyldanady jáne aýyr qylmys jasalǵan jaǵdaıda nemese kez kelgen qylmyspen baılanysty basqa da máselelerge baılanysty qylmystyq is júrgizý sharalaryn qoldaný úshin Senattyń ǵana kelisimi jetkilikti bolmaq. Bul ombýdsmenniń erkindigin qamtamasyz etedi», dedi Qazaqstandaǵy adam quqyqtary jónindegi ýákili Elvıra Ázimova.