Eldiń bolashaǵy úshin árbir azamat búgin óz tańdaýyn jasaýda. Jambyl oblysynda da kópshilik saılaýǵa belsendi qatysyp jatyr. Oblys aýdandarynda referendýmǵa baılanysty jármeńkeler uıymdastyrylýda, dep jazady Egemen.kz.
Sarysý aýdanynda ornalasqan 25 referendým ýchaskesiniń jumysy jaqsy júrgizilýde. Tańerteńnen bastap daýys berýshilerdiń legi azaıar emes. Aýdandaǵy 25 referendým ýchaskesiniń barlyǵynda da jármeńke ótip jatyr. Oǵan 36 kásipker jumyldyrylǵan. Bul jerde daýys berýshiler turaqtandyrý qorynyń baǵalaryna saı azyq-túlikti, sonyń ishinde kókónisti arzan baǵaǵa satyp ala alady. Sonymen qatar, referendým ýchaskelerinde kelýshiler úshin radıokonserttik baǵdarlama da uıymdastyrylǵan.
Jalpyhalyqtyq referendým Baızaq aýdanynda da belsendi ótýde. Aýdan ákimi Baqyt Qazanbasov №126 referendým ýchaskesine kelip, óz tańdaýyn jasady. Sondaı-aq daýys berýge kelgen aýdan turǵyndary úshin ýchaskeler mańynda aýylsharýashylyq jármeńkeleri uıymdastyrylǵan. Munda túrli kókónister men jemister, sút ónimderi jáne taǵy basqa da qajetti ónimder naryq baǵasynan tómen satylýda.