Referendýmdy ótkizýdiń ózi úlken ózgeristerdiń bastaýy ekendigine esh kúmánim joq. О́ıtkeni uzaq jyldar boıy elimizde mundaı saıası naýqan ótken emes. Orta eseppen qarasaq, 45 jasqa deıingi azamattar referendýmǵa qatyspaǵan bolatyn.
Jaı ǵana zańdy Parlament qabyrǵasynda qabyldaı salý men ony halyqtyń talqysyna salýdyń aıyrmashylyǵy orasan zor. Túsingen adamǵa qoǵam bolyp Konstıtýsııaǵa ózgeris engizýge nıettený úlken jańalyq ekeni belgili. Jańa Qazaqstan degendi jıi qoldana bastadyq. О́tkende Prezıdent bir sózinde bul ıdeıany sózbuıdaǵa sala berýdiń qajet emestigin aıtty. Jańa Qazaqstan dep aıtqanmen bizge eshkim basqa memleketti ózge planetadan ákep bermeıdi.
Jańa Qazaqstan degenimiz ne? Ol árqaısymyzdyń sanamyzdyń jańǵyrýy. Biz kózqarasymyzdy jańasha baǵytta ózgertken kezde ǵana jańaramyz, jańǵyramyz. Ol otbasynan, bilim berý mekemelerinen bastaý alýy kerek. Ádiletti Qazaqstandy qalyptastyrý úshin Prezıdent qana emes, kez kelgenimiz ádil bolýǵa tıispiz. Konstıtýsııalyq reformany qamtyp otyrǵan bul referendýmda sol ádiletti qoǵam qurýǵa barlyq qadam jasalyp otyr. Sony barlyǵymyz jan júregimizben túsingenimiz abzal.
Eń bastysy, elimizde jańarýǵa, jańǵyrýǵa nıet zor ekeni belgili boldy. Sol sebepti Jańa Qazaqstandy barshamyz birlese qurýymyz kerek. Saýsaq birikpeı ıne ilikpeıtinin túsinetin kez kelip jetti.
Álı BEKTAEV,
Senat depýtaty