Qoǵamǵa bir ózgeristiń kerektigi anyq sezilgen edi. Sol turǵydan alyp qaraǵanda negizi konstıtýsııalyq reformalardy qamtyǵan jalpyhalyqtyq referendýmnyń ótkizilgeni durys boldy.
Saıası naýqanǵa alǵashqylardyń biri bolyp baryp, tańmen talasa daýys berdim. Bolashaq urpaqtyń jarqyn keleshegi úshin óz tańdaýymdy jasadym.
О́ner adamdarynyń barlyǵy da saıası naýqannan tys qalmaǵanyna senimdimin. Konstıtýsııanyń 33 babyna engiziletin ózgeristerdiń barlyǵyn tolyqtaı qoldaımyn. Memleket basshysy Qasym-Jomart Toqaevtyń sýperprezıdenttik basqarýdan bas tartyp, yqpaldy Parlament qurýǵa degen nıeti kóńil qýantady. Qazaqstan Prezıdenti Jańa Qazaqstan ıdeıasyn usynǵany málim. Sonyń negizinde ádiletti qoǵam qurý jolynda jankeshti jumystar atqarylyp jatqanyna eshkimniń kúmáni joq. Barshamyzdyń kókeıimizde ádilettilik bolsa degen arman turdy. Endi sol armanymyz aqıqatqa aınalatyn kez keldi. Sol úshin de men biletin óner adamdarynyń barlyǵy óz tańdaýlaryn jasady. Olar jańa turpattaǵy Qazaqstannyń jarqyn qadamdaryn kórgisi keledi. Bizdiń de oı solardyń pikirimen bir arnaǵa toǵysyp tur. Bıliktiń zańdy Parlament arqyly qabyldamaı, halyqpen aqyldasqany kóńilge qondy. Jańa bıikterge umtylǵan ádiletti qoǵamymyzdyń keleshegi kemel bolsyn!
Tilektes MEIRAMOV,
Qazaqstannyń halyq ártisi