Gaz salasy eleýli qoldaýdy qajet etedi. Bul týraly Májilistegi Úkimet saǵatynda «QazaqGaz» UK AQ Basqarma tóraǵasy Sanjar Jarkeshov málim etti, dep habarlaıdy Egemen.kz.
«Qazaqstan – gazdyń 3,8 trln tekshe metr kólemindegi qory rastalǵan el, ony qaýipsiz jáne tıimdi óndirip, ishki naryqtyń qajettilikterine baǵyttaý kerek. Gaz óndirisiniń 81 paıyzy úsh iri joba, ıaǵnı Qarashyǵanaq, Qashaǵan jáne Teńizge tıesili. Jańa geosaıası jaǵdaılarda, jańa tranzıttik áleýetti damytý jáne Qazaqstan Respýblıkasynyń óńirlerin odan ári gazdandyrý múmkindigimiz bar. Biraq, qazirgi ýaqytta gaz salasy eleýli qoldaýdy, eleýli qarjylyq ınvestısııalardy qajet etedi. О́ıtkeni gaz tasymaldaý júıesiniń nysandaryn jańǵyrtpaı ári keńeıtpeı, tutynýshylardy odan ári gazben úzdiksiz jabdyqtaý múmkin emes», dedi S. Jarkeshov.
Energetıka mınıstri Bolat Aqsholaqov 2025 jylǵa qaraı otandyq gazdyń tapshylyǵy bolýy múmkin ekenin aıtty. El ishinde gaz tutyný kólemi turaqty túrde ósip keledi.
Gúldana Elýbaı