QR UQK Qyrǵyzstan jáne О́zbekstan elderiniń arnaýly qyzmetterimen jáne quqyq qorǵaý organdarymen birlesip 30-dan asa esirtkige qarsy operasııa júrgizdi, dep habarlaıdy Egemen.kz.
Vedomstvonyń málimetinshe, esirtki trafıginiń 9 halyqaralyq jáne 14 óńirlik arnasy joıylǵan. Sıntetıkalyq esirtki óndiretin 8 iri jasyryn zerthananyń jumysy toqtatylǵan.
«Arnaıy operasııalar barysynda esirtki qurylymynyń 15 qatysýshysy ustaldy. Zańsyz aınalymnan barlyǵy 223 kg esirtki, onyń ishinde: 90 kg sıntetıkalyq esirtki (270 myń «bir rettik mólsherge» teń), 85.2 kg marıhýana, 14 kg apıyn, 4 kg gashısh alyndy. Budan basqa 800 ekstazı tabletkasy, 500 túp «golland» marıhýanasy jáne psıhotroptyq zattardy daıyndaýǵa arnalǵan 4 tonna hımııalyq reagentter aınalymnan shyǵaryldy», delingen habarlamada.
Eki aı ishinde alynǵan esirtkiniń «qara naryqtaǵy» jalpy somasy 2.3 mlrd teńgeden astamǵa baǵalanyp otyr. Halyqaralyq esirtki bıznesine qarsy is-qımyl jónindegi is-sharalar jalǵasyp jatyr.