Ákimdik 25 qabattan turatyn «Egalıte» turǵyn úı kesheniniń janyndaǵy súrilgen jataqhana ornyna, taǵy da kópqabatty úı salmaqshy. Buǵan turǵyndar túbegeıli qarsy. Sebebi bul mańǵa balalar alańqaıy jetispeıdi. Prezıdent Qasym-Jomart Toqaevtyń turǵyn úılerdiń qasyna balabaqsha, mektep nemese balalar alańyn salý kerektigin shegelep aıtqanyn eskersek, turǵyndardyń talaby oryndy.
Astanadaǵy Abaı jáne Adolf Iаnýshkevıch kósheleriniń qıylysynda «Egalıte» degen turǵyn úı kesheni ornalasqan. О́kinishke qaraı, árqaısysy 25 qabattan turatyn úı daý-damaıdan arylar emes. Bul joly turǵyndar balalar oınaıtyn alań men avtoturaqtyń joqtyǵyna alańdaýshylyq bildirip otyr.
Turǵyn úı keshenindegi múlik ıeleri birlestiginiń (MIB) basshysy Búrkitbaı Qońyratovtyń aıtýynsha, úsh úıge irgeles ornalasqan jataqhana byltyr súrilgen eken. Onyń ornyna balalar oınaıtyn alań men avtoturaq nemese mektep salynady dep ýáde berilgen. Bul habardy turǵyndar qýanyshpen qabyldady. Alaıda jýyrda kópshiliktiń sol qýanyshy sý sepkendeı basyldy. О́ıtkeni bul jerge taǵy da kópqabatty turǵyn úı salynbaq eken. Buǵan turǵyndar túbegeıli qarsy.
– 600 páterlik (ár úıde 200 páterden) turǵyn úı kesheninde balalarǵa arnalǵan qýyqtaı ǵana alańqaı bar. Ár úıde kem degende 100-300 bala turatynyn eskersek, oıyn alańqaıy azdyq etedi. Onyń ústine munda jas otbasylar turady. Demek aldaǵy ýaqytta balalar sany taǵy da kóbeıedi. Árıne, bul jaqsy. Biraq solarǵa laıyqty jaǵdaı da jasaýymyz kerek. Dál qazirgi ýaqytta turǵyn úı kesheniniń balalaryna eshqandaı jaǵdaı jasalmaǵan. Jaqyn mańda fýtbol oınaıtyn alań bar. Biraq eresek balalar kishkentaı ul-qyzdardy bul jerge jolatpaıdy, – deıdi B.Qońyratov.
Raıhan Makına esimdi turǵyn taǵy bir máseleniń shetin shyǵardy. Onyń aıtýynsha, turǵyn úı kesheninde kólik qoıatyn oryn jetispeıdi.
– Qazir ekiniń birinde kólik bar. Tehnıkanyń bolǵany jaqsy-aq. Biraq bizdiń úıdiń aýlasynda kólik qoıatyn oryn jetispeıdi. Sondyqtan turǵyndar balalar oınaıtyn shaǵyn alańqaıdyń aınalasyna kólikterin qaldyryp ketedi. Aýlamyz tar. Kishkentaı búldirshinderdi aýlaǵa shyǵarý qaýipti. Mindetti túrde eresekterdiń bireýi bas-kóz bolyp júrý kerek. Sondyqtan avtoturaq máselesin de sheshken durys, – deıdi R.Makına.
Kúni keshe turǵyndarǵa Baıqońyr aýdandyq ákimdiginen arnaıy habarlama kelipti. Onda byltyr súrilgen jataqhananyń ornyna kópshilik kútip júrgendeı balalar alańy men avtoturaq emes, kópqabatty turǵyn úı salynady eken. Qurylys jumystary aldaǵy qyrkúıekte bastalady dep kútilýde.
– Biz buǵan múldem qarsymyz. Bul jerge áýelde ýáde etilgendeı balalar alańy nemese avtoturaq salynýy kerek. Eger kópqabatty turǵyn úı salynatyn bolsa, dál qazirgi ýaqytta biz betpe-bet kelip otyrǵan problema odan ári ýshyǵa túsedi. Sondyqtan tym bolmasa balalar oınaıtyn alań salyp berse eken, – deıdi turǵyndar.
R.Makınanyń aıtýynsha, turǵyn úı kesheniniń aýlasy tar bolǵandyqtan, úılerdiń arasymen júrý de qaýipti. Ásirese qysta qar shyǵarǵanda qıyndyq týdyrady.
– Prezıdent Qasym-Jomart Toqaev bıylǵy jyldy Balalar jyly dep jarııalady. Osyǵan oraı bizdiń ótinishimiz eskerilip, balalar alańynyń salynatynyna senimdi bolǵan edik. Alaıda ýáde sóz kúıinde qalyp otyr. Sondyqtan el Prezıdentinen, Nur-Sultan qalasynyń ákiminen kómek suraımyz. Joǵary jaqtaǵylar bizdiń únimizge qulaq túrse eken. Onyń ústine Memleket basshysynyń endigi jerde kópqabatty turǵyn úılerdiń aınalasyna saıabaq, balalar alańy, mektep sekildi nysandardy kóptep salý kerek degen tapsyrmasy bar. Osyny da esten shyǵarmaǵan abzal, – deıdi Raıhan Makına.
Qysqasy, «Egalıte» turǵyn úı kesheniniń turǵyndary óz talaptarynyń tolyqtaı oryndalǵanyn qalaıdy. Bul máselege jergilikti ákimdik te nazar aýdarady degen oıdamyz.
Baljan NURǴALIQYZY,
L.N.Gýmılev atyndaǵy Eýrazııa ulttyq ýnıversıtetiniń stýdenti
NUR-SULTAN