Bizdiń el Qazaqstanmen qarym-qatynasqa qaı kezde de aıryqsha nazar aýdaryp kelgeni barshaǵa málim. Tipti sońǵy jyldary eki el arasyndaǵy baılanys burynǵydan da jaqsara túsken.
Qazaqstan bıligi eldegi saıası júıeni retteýge kúsh salyp jatqanyn bilemiz. Sol úshin de jańa ári batyl qadamdarǵa baryp, saıası reformalardy qolǵa alǵan bolatyn. Qazaqstan Prezıdenti halyqtyń pikirine qulaq asqandy jón dep tapty. Jalpyhalyqtyq referendým sonyń kórinisi. Bul álbette quptarlyq qadam der edim.
Biz úshin Qazaqstan qaı kezde de senimdi seriktes ekeni daýsyz. Sondyqtan da eldegi jalpyhalyqtyq referendýmnyń joǵary deńgeıde ótkeni qýantty. Halyqtyń basym bóligi konstıtýsııalyq reformany durys jaǵynan qabyldap, qoldaǵanyn bilemin. Eń bastysy eldiń Prezıdent Toqaevtyń ıdeıasyn durys túsingenin atap ótpeske bolmas.
Qysqasy, Qazaqstan halqy saıası, áleýmettik ózgeristerdi qajet etip otyrǵanyn baıqadyq. Olar eldiń jaǵdaıy jaqsarǵanyn qalaıdy. Prezıdentti sol úshin de qoldap otyr. Demokratııalyq úrdistiń jańa belesine qadam basqan eldiń erteńi jarqyn bolady degen oıdamyz.
Manılo DE STEFANO,
Syrtqy ister mınıstriniń orynbasary
(Italııa)