Memlekettik kirister komıteti kedendik qunyn 10 esege deıin tómen kórsetip, 22,6 mln teńge salyq tóleýden jaltarǵan kompanııalardy anyqtady, dep habarlaıdy Egemen.kz.
Memlekettik kirister komıtetiniń málimetinshe, qazaqstandyq kompanııa Qytaıdan quny 41,8 myń dollar bolatyn sharýashylyq taýarlaryn ımporttaǵan. Alaıda kórshiles eldiń bas kedendik basqarmasynyń deregine sáıkes, ol taýardyń quny 171,4 myń dollardy quraıdy.
«Osylaısha, bul kompanııa kedendik qunyn 4 esege, ıaǵnı 129,6 myń dollarǵa tómendetken. О́ndirip alynýy tıis kedendik tólemder men salyqtardyń somasy 12 mıllıon teńgeden astam somany qurady. Sol sııaqty, taǵy bir kompanııa 241 myń dollar turatyn mata taýarynyń kedendik qunyn 24 myń dollar dep kórsetken. Sáıkesinshe taýar quny 10 esege tómendegen. О́ndirip alynýy tıis kedendik tólemder men salyqtardyń somasy – 22,6 mln teńge», delingen vedomstvo habarlamasynda.